أنا الآخر
أنا الآخر لكل آخر..
بنختلف عن بعضنا بكتير اشيا..
وبنتلاقى مع بعض بكتير اشيا والأهم هي انسانيتنا
اختلافاتنا هي تنوعنا.. وهاد اللي بعزز حياتنا وبغنيها..
جهزوا حالكم يوم الجمعة 2017/9/22 نحتفل سوا ونستمتع بتنوعنا.. يلا نحتفل سوا بالسنة السابعة لعيلتنا الكبيرة آوت آند أباوت.. نحتفل بانسانيتنا.. نحتفل بتنوعنا اللي بيعملنا مجتمع جميل متكامل

رح يكون في كتير اشيا حلوة 🙂 🙂
– رقصات شعبية من بلاد مخنلفة مع فرقة يويو Yoyo party time.. ورح نرقص معهم كماااااان
– نلعب ألعاب شعبية وألعاب زمان سوا
– نحتفل بكل مواليد شهر 9.. كل عام والكل بخير ومحبة وسلام
– حتى العشا رح يكون محطات من مناطق مختلفة من العالم في أكتر من مكان بالمزرعة.. لاقوهم عالخريطة 🙂
شي بشهي من منتوجات مزرعة مزرعتي العضوية وتحت اشراف شيف ايناس عاهد
– الأغاني DJ بكتير من لغات العالم.. جنوا نطوا D:
– في كمان مسرح تفاعلي بجهود أعضاء المجموعة من تدريب ونص وانتاج وتمثيل
– تعالوا الساعه 4:00م بنروح سوا جولة بالمزرعة بنشوف المزروعات العضوية وبنتصور.. واللي بحب ممكن يزرع كمان

كلنا نلبس ألوان أبيض وأسود – مش رسمي
مثل بلوزة بيضا وبنطلون أسود أو بلوزة سودا وتنورة بيضا…
ولما توصلوا كلنا رح نحط ستكر عالبلوزة عليه “أنا الآخر”

حفلتنا من الساعة 5:00م ل 10:0م… تعالوا الساعة 4:00م، نسلم ع صحابنا ونتعرف ع صحاب جداد، نتصور، ونعمل جولة بالمزرعة
المكان اسمه مزرعتي، ع طريق المطار

جمعتنا ما بتحلا الا بوجودنا كلنا سوا.. ولانه احنا المجتمع و #احنا_محبة #احنا_سلام #احنا_تقبل #احنا_سلام #احنا_عطاء
خبروا كل العيلة من كبار وصغار وكل الصحاب
المزرعة مهيئة للأشخاص ذوي الاعاقة، وأمهاتنا وآباءنا وأجدادنا وجداتنا
احكونا اليوم عشان التذاكر.. آوت أند أباوت 0785834000 – 0799264943
للكبار 25 دينار شامل البرنامج وبغطي جزء لاستضافة شخص من فئة مهمشة
للصغار 12.5 دينار – في مكان مخصص للأطفال

رح نتصور صور حلوة مع بعض، ونطلع live، بتشوفوها ع مواقع التواصل الاجتماعي للمجموعة

نشكر الداعمين Shahin Shahin و Chemisty – كيميستي
ونشكر تعاون Mazraati مزرعتي

أهلا وسهلا بكل المؤمنين برسالة مجموعة آوت آند أباوت.. وبكل اللي حابين يعيشوا في مجتمع قائم على قيم المحبة والسلام والتقبل والتسامح والعطاء.. وبكل اللي بعامل غيره وبحب يتعامل ع أساس انه انسان.. #مواطنون_عالميون

معاً دائماً بمحبة وسلام
مجموعة آوت آند أباوت
www.facebook.com/OutandAbout.Jordan