مش ماراثون .. مش ركض .. مش برنامج الحصن.. مش سباق و بس!
شو الوضع؟؟
سباق مجنون رياضه 2

كيف يعني؟؟
سباق رياضي بختبر مهاراتك و اصرارك و جنونك

شو يعني؟
يعني بتركض و بتنط و بتقفز و بتتسلق و بتتسلى و بتنجن و بتاكل و بتشرب و بتتعرف على ناس وبتتحدى حالك و بتفجر السوشال ميديا تبعك و بتتصور و بتشارك كل اصحابك و ممكن تصير سوبرمان زمانك و بعد السباق ممكن تغير كل حياتك!

طب شو يعني؟؟
يعني سباق مجنون رياضه 2

طب وين؟؟ طب ايمتى؟؟ طب قديش؟
بنادي البشارات للغولف
الجمعه 2/11/2018
ببلش السباق على الساعة 10:00 الصبح

قديش؟؟
25 دينار و بتاخد تيشيرت و تذكرة و مواصلات للسباق روحة رجعه وخبرة فعلا مختلفه!

طب انا مش رياضي .. عادي؟؟
عادي.. لانه سباق تسلايه و كل الفئات بقدروا يكملوه و كل حدا بتنافس بفئته

شباب و بنات؟
طبعا!!

كبار و صغار؟؟
فوق 14 سنه
و الفئات:
14 الى 19
20 الى 29
30 الى 39
40 الى 49
50 فما فوق
اول 3 لكل فئة.. رح يحصلوا على اشتراكات مجانية من Trainers Gym.. و كمان هدايا كتير متنوعه و حلوة

كيف بسجل ؟ و وين؟
التسجيل حصري في Trainers Gym وإذا ما بتعرفوا المكان، احنا في شارع عبد الله غوشه، مجمع جراند سيتي 1 الحسيني سابقا # 38 B1 ورقم تلفونّا 065820078

شو كمان؟؟
بمجرد أنكم اشتريتوا التذكرة، بإمكانكم تتمرنوا مجاناً في Trainers Gymخلال الفترة من يوم شراء التذكرة و لغاية يوم السباق! عشان تجهزوا حالكم للسباق وترفعوا مستوى اللياقة، كل المطلوب منكم انكم تظهروا التذكرة لموظف الإستقبال في النادي، وبالنسبة ليوم السباق، أي شخص بوصل لخط النهاية في السباق راح يحصل على ميدالية مشاركة و الاوائل رح يحصلوا على كؤوس

في فعاليات تانية غير السباق؟
طبعاً فيه! بنهاية السباق في اكل و شرب و عجقة و مزيكا

ملاحظة:
** بسبب طبيعة السباق رح يكون عدد المشاركين محدود
** احتمال ملابسكم تتبلل أو تتوسخ، فإذا حابين تجيبو معكم غيار، مش غلط 🙂