كخطوة أولى في تاريخ القبيلة، يسعدنا نحن قبيلة جوبدو انه نعزمكم على حفل توقيع كتاب “قلم رصاص” لعمرعدنان العبداللات من إنتاج جوبدو، يوم 4/6 في فيرجن ميجاستور – سيتي مول، الساعة 9 ونص مساء.

هذا الكتاب عبارة عن مجموعة من أفخم الأعمال العالمية لرسام الكاريكاتير عمر عدنان العبداللات، كل عمل معه جملة، أو فكرة، أوخاطرة ساخرة بتعبّر عن واقع منشوفه ومنعيشه ومرات منضحك عليه.

بتلاقوا كتاب “قلم رصاص” في محلاتنا بجبل اللويبدة وعبدون، وفيرجن ميجاستور سيتي مول وتاج مول قريباً جداً جداً.

عمر عدنان العبداللات هو رسام كاريكاتير، منتج رسوم متحركة ومتحدث في TEDx. مواليد لندن، بريطانيا عام 1978، خريج جامعة العلوم التطبيقية، تخصص تصميم جرافيكي. اشتغل في كتير شركات تصميم ورسوم متحركة منها روبيكون، أبو محجوب وخرابيش. شريك في شبكة خرابيش وشركة توميتو كرتون. وآخر اشي أسس شركة القلم الحر.
شارك عمر في مجموعة معارض للكاريكاتير في الأردن ومصر وبلجيكا وفاز بكتير جوائز محلية وعالمية.
مبتكر للعديد من الشخصيات الكرتونية اللي انشهرت مش بس في الأردن والعالم العربي كمان منها: عوض أبو شفة، الزعيم، خفاش والمعلم سحس.
لما كان يشتغل في شركة خرابيش، فازت قناة “على راسي” اللي هو عمل كل شخصياتها بالجائزة الفضية من موقع Youtube.
شارك عمر كمتحدث في منتدى الجزيرة الثامن في قطر سنة 2014، في TEDx بورتو البرتغال سنة 2015، وفي مهرجان الكاريكاتير العربي في بلجيكا في 2016.